ÄNEW – GADYMY MEDENIÝETIŇ OJAGY

“Pähim-paýhas ummany Magtymguly Pyragy” ýylymyzda Türkmenistanda ýaşlar syýasatyny üstünlikli amala aşyrmak, ýaşlary watansöýüji, giň dünýä garaýyşly, päk ahlakly edip ýetişdirmek we gadymy Änew şäheriniň 2024-nji ýyly “Türki dünýäniň medeni paýtagty” diýlip yglan edilmegi mynasybetli ýaşlarda milli mirasymyza söýgi döretmek, taryhy ýadygärliklerimiziň gymmatyny wagyz etmek maksady bilen, 2024-nji ýylyň 6-njy maýynda Türkmen döwlet binagärlik-gurluşyk institutynyň Meýletinçiler merkeziniň gurnamagynda “Änew – gadymy medeniýetiň ojagy” atly okuw maslahaty geçirildi. Okuw maslahatynda Jemgyýeti öwreniş ylymlary kafedrasynyň uly mugallymy Zylaýha Orazowa “Ahlak gözelligi – adamyň belent mertebesidir” temada çykyş etdi. Soňra Ekologiýa kafedrasynyň uly mugallymy Orazdurdyýewa Ogulbagt “Ylymly-bilimli watansöýüji ýaşlar – bagtyýar gelejegiň kepilidir” atly temada, “Diller” kafedrasynyň uly mugallymy Kümüş Allabaýewa “Türkmenistanda ýaşlar barada döwlet syýasatynyň ýörelgelerinden ugur alyp, talyp ýaşlarda Watana bolan söýgini, milli mirasymyza buýsanjy kemala getirmek – mukaddes borjumyzdyr” atly tema boýunça çykyş etdiler. Fizika kafedrasynyň mugallym-öwrenijisi Didar Hojamyradowyň Hormatly Prezidentimiziň “Änew – müňýyllyklardan gözbaş alýan medeniýet” atly kitabynyň taryhy ähmiýeti baradaky çykyşy, şeýle hem Senagat we raýat jaý gurluşygy hünäriniň 1-nji ýyl talyby Merdan Allakowyň “Änew – gadymy medeniýetiň ojagy” atly wideoşekilli çykyşy has täsirli boldy. Çykyş eden mugallymlar we talyp ýaşlar özleri üçin döredilýän giň möçberli mümkinçilikler üçin Mähriban Arkadagymyza we Arkadagly Gahryman Serdarymyza hoşallyklaryny bildiridiler.