Institutyň binagärlik-dizaýn taslama işleri

Institut binagärlik-dizaýn taslama işleriniň giň toplumyny ýerine ýetirýär: binalaryň binagärlik-gurluşyk ölçegleri geçirmegi, gurluşyk konstruksiýalaryny barlamagy, ýaşaýyş, senagat, jemgyýetçilik binalarynyň binagärlik-dizaýn taslamalaryny düzmek. Binagärlik-dizaýn taslama işleri institutyň innowasiýa işleriniň bir bölegidir.

2012-nji ýyldan başlap, institutda Binagärlik ussahanasy hereket edýär, onda ähli binagärlik-dizaýn taslama we maket işleri Binagärlik kafedrasynyň mugallymlarynyň we talyplarynyň gatnaşmagynda amala aşyrylýar.

Binagärlik-dizaýn taslama işlerini ýerine ýetirmek üçin, Türkmenistanyň "Işiň aýry-aýry görnüşlerini ygtyýarlylandyrmak hakynda" kanunyna laýyklykda Türkmen döwlet binagärlik-gurluşyk instituty tarapyndan degişli ygtyýarnama alyndy (02.27.2020 ý. № 1-22-25-7281).

Işiň esasy ugurlary:

• - Türkmenistanyň Prezidentiniň şähergurluşyk Maksatnamasynyň binagärlik-dizaýn taslama işlerini ýerine ýetirmäge gatnaşmak;
• - Türkmenistanda binagärlik we şähergurluşygy pudagynda döwlet syýasatyny durmuşa geçirmek;
• - bellenilen tertipde sargytçylaryň tehniki ýumuşy bilen ylalaşmak;
• - ministrlikleriň we pudaklaýyn dolandyryş edaralaryň, şeýle hem Türkmenistanyň hususy telekeçileriniň tehniki ýumuşlaryna laýyklykda ýaşaýyş, senagat, jemgyýetçilik binalarynyň hem-de olaryň ýanaşyk ýerlerini abadanlaşdyrmak boýunça binagärlik-dizaýn taslama işleriniň ýerine ýetirmek;
• - ýerine ýetirilen işleri sargytça öz wagtynda tabşyrmak.

Institutyň binagärlik-dizaýn taslama işleriniň netijelerini önümçilige ornaşdyrmak