![img](../images/News-img/news173.jpg)
Italýan dizaýny
2024-nji ýylyň 11-nji martynda Türkmen döwlet binagärlik-gurluşyk institutynda Italiýa Respublikasynyň wekiliýeti kabul edildi.
Italiýa Respublikasynyň Türkmenistandaky ilçihanasy tarapyndan "Italýan dizaýny" atly hepdeliginiň çäklerinde meýilleşdirilen “Gymmatlyklary öndürmek – inklýuziwlyk (öz içine almak), innowasiýa we durnuklylyk” temasy boýunça Arhitektor Andrea Kaputonyň okuw sapagy guraldy. Okuw sapaga professor- mugallymlar we binagärlik ugrundan okaýan talyp ýaşlar gatnaşdylar.
![img](../images/News-img/news173-1.jpg)
Myhmanlar baş binanyň foýesinde Institutda ýetilen sepgitler boýunça guralan sergi bilen tanyşdyryldy. Talyp ýaşlarymyz myhmanlaryň öňünde Gündogaryň beýik akyldary Magtymguly Pyragynyň goşgularyndan iňlis we italýan dillerinde ýerine ýetirdiler.