2020-nji ýylyň noýabr aýynyň 8-11-i aralygynda Türkmenistanyň Daşary işler ministrligi, Türkmenistanyň Sport we ýaşlar syýasaty ministrligi, Aşgabat şäher häkimligi we Türkmenistanyň Ýeňil atletika federasiýasy bilen bilelikde Türkmenistanyň hemişelik Bitaraplygynyň şanly 25 ýyllygy mynasybetli Olimpiýa şäherçiginiň ýeňil atletika toplumynda geçirilen sportuň ýeňil atletika görnüşi boýunça Türkmenistanyň açyk çempionatynda institutymyzyň talyp türgenleri üstünlikli çykyş edip, baýrakly orunlara mynasyp boldular.

Türkmen döwlet binagärlik-gurluşyk institutynyň Kompýuter tehnologiýasy we awtomatikasy fakultetiniň 4 ýyl talyby Alişer Sadulaýew 60 m aralyga ylgap, I orna, Inžener-mehanika fakultetiniň 1 ýyl talyby Aziza Baltaýewa uzynlygyna bökmekde III orna, Himiýa tehnologiýasy fakultetiniň 4 ýyl talyby Mekan Agamyradow 200 m aralyga ylgap, III orna mynasyp boldular we hormat hatlary, kubok, medallar, gymmat bahaly sowgatlar gowşuryldy.