AŞGABAT ŞÄHERINIŇ TAKYK WE IŇLIS DILI DERSLERINI ÇUŇLAŞDYRYP ÖWREDÝÄN ÝÖRITELEŞDIRILEN 116-NJY ORTA MEKDEPDE TANYŞDYRYŞ ÇÄRESI

Inžener-mehanika fakultetiniň mugallymlary tarapyndan Aşgabat şäheriniň takyk we iňlis dili derslerini çuňlaşdyryp öwredýän ýöriteleşdirilen 116-njy orta mekdebinde tanyşdyryş çäresi geçirildi. Bu çäre Türkmen döwlet binagärlik-gurluşyk instituty bilen Aşgabat şäheriniň takyk we iňlis dili derslerini çuňlaşdyryp öwredýän ýöriteleşdirilen 116-njy orta mekdebiň bilelikde alyp barmaly işleriniň meýilnamasy esasynda geçirildi. Çäräniň dowamynda mekdebiň gutardyş synplarynda okaýan okuwçylar bilen duşuşyldy we gürrüňdeşlik geçirildi. Duşuşygyň we gürrüňdeşligiň çäklerinde institutda alnyp barylýan işleri, institutyň tdbgi.edu.tm saýty bilen giňden tanyşdyryldy. Institutyň taryhy, taýýarlanýan ugurlar, fakultetler, kafedralar, hünärler we soňky ýyllaryň dowamynda gazanylan üstünlikler hem-de täzelikler barada maglumatlar berildi. Institutda ýerine ýetirilen ylmy-taslama işleri görkezilip, ylmy-taslama işlerini alyp barmaklygyň ilkinji basgançaklary barada okuwçylara birnäçe maslahatlar berildi. Esasan hem institutyň Inžener-mehanika fakultetinde taýýarlanylýan hünärler, fakultetde talyp ýaşlaryň ders, ylmy-taslama bäsleşiklerinde gazanýan üstünlikleri barada mekdep okuwçylary bilen dürli soraglar boýunça özara pikir alyşyldy. Okuwçylar öz gezeginde Türkmen döwlet binagärlik-gurluşyk institutynda bilim almak we saýlan hünärleri boýunça zähmet çekjek edara-kärhanalary barada hem gyzyklandylar. Şeýle hem çäräniň dowamynda institutyň IT ylmy-tehniki merkezi barada hem durup geçilip, eger isleg bildirseler okuwçylaryň merkezede gysga möhletleýin okuwlarda okap biljekdikleri barada aýdyldy. Okuwçylar IT ylmy-tehniki merkezinde daşary ýurt dilleri, kompýuter sowatlylygy we başgada birnäçe ugurlardan okap, sertifikatlary alyp bilerler. Tanyşdyryş çäresiniň ahyrynda oňa gatnaşyjylar ýurdumyzda ylym-bilim almaga döredilip berilýän giň mümkinçilikler üçin hormatly Prezidentimize hem-de Gahryman Arkadagymyza tüýs ýürekden minnetdarlyklaryny bildirdiler.