“BIRLEŞEN MILLETLER GURAMASYNYŇ OÝUNLARY” ATLY KARARNAMA KABUL EDILDI

BMG-niň Nýu-Ýork şäherinde ýerleşýän ştab-kwartirasyndan şeýle Kararnamanyň kabul edilmegi hakyndaky hoş habaryň gelip gowuşmagy ähli halkymyzda, aýratyn hem, ýaş nesillerde egsilmez şatlyk döretdi. Şol mynasybetli 2024-nji ýylyň 2-nji noýabrynda Türkmen döwlet binagärlik-gurluşyk institutynyň professor-mugallymlary we talyp ýaşlary Saglyk ýoluna gatnaşdylar.

Munuň özi Gahryman Arkadagymyzyň başlangyçlaryna esaslanýan, hormatly Prezidentimiziň baştutanlygynda alnyp barylýan parahatçylyk söýüjilik daşary syýasatynyň we sport diplomatiýasynyň dünýäde dabaralanýandygynyň ajaýyp güwäsidir. Bu möhüm resminamanyň kabul edilmegi dünýä jemgyýetçiligi tarapyndan Garaşsyz, baky Bitarap Türkmenistan ýurdumyzda sporty ösdürmek babatda alnyp barylýan işlere berlen ýokary bahadyr.