2025-nji ýylyň 27-nji noýabrynda ÝUNESKO-nyň Ýokary bilim ulgamynda Halkara innowasiýalar merkezi (UNESCO-ICHEI) tarapyndan “Mugallymlara ýardam bermek: Öwretmekde we öwrenmekde döredijilikli EA-yň güýjüni açmak” atly onlaýn arkaly webinar guraldy. Bu webinarda Dr. Kaushal Kumar Bhagat çykyş etdi. Dr. Kaushal Kumar Bhagat Hindistanyň Ösen Tehnologiýa Ösüş Merkeziniň dosenti we Okuw we Wirtual kämilleşdiriş Merkeziniň Wise-Başlygy. Ol Filosofiýa ylymlarynyň doktory. Dr. Kaushal Kumar Bhagat häzirki wagtda EA dürli ugrularda ulanylyşy barada mugallymlara amaly düşünjeleri we döredijilikli EA-y synp otaglaryna netijeli ornaşdyrmak, EA arkaly mugallymlara okuwlary täzeçe meýilnamalaşdyrmak, baha beriş dizaýny, şahsy öwreniş we döredijilik mazmunyny ösdürmek dogrusynda anyk mysallar bilen täsirli çykyş etdi.
Bu webinar okuwa onlaýn arkaly Türkmenistanyň we dünýäniň ençeme ýokary okuw mekdeplerinden professor mugallymlar we talyplar, dürli ugurda işleýän hünärmenler gatnaşdylar. Türkmen döwlet binagärlik-gurluşyk institutynyň mugallymlary hem bu webinara işjeň gatnaşyp, EA boýunça sanly innowasion tehnologiýalary we emeli aňy ulanmagyň halkara tejribesi, emeli aňyň ylym-bilim ulgamyna we önümçilige ornaşdyrylyşy barada özlerini gyzyklandyrýan soraglaryna jogap aldylar.
Kümüş Allabaýewa,
Türkmen döwlet binagärlik-gurluşyk institutynyň
“Diller” kafedrasynyň uly mugallymy
