TDBGI

  1. Baş sahypa
  2. Fakultetler

Ýol gurluşygy fakulteti

Ýol gurluşygy fakultetiniň ýolbaçylyk düzümide: dekan, okuw, ylym we terbiýeçilik işleri boýunça orunbasarlary, barlaghanalar, gurnaklar, jemgyýetçilik guramalary (ýaşlar guramasy, zenanlar guramasy, Demokratik partiýa guramasy, kärdeşler arkalaşygy), toparlar we 3 sany kafedralar - Awtomobil ýollarynyň gurluşygy, Gurluşyk materiallary, Geodeziýa girýär. Ýol gurluşygy fakultetinde jemi 31 sany professor-mugallymlar zähmet çekip, olardan 1 sany tehniki ylymlaryň kanditaty, 10 sany uly mugallym, 11 sany mugallym, 9 sany mugallym-öwrenijidirler.


“Awtomobil ýollarynyň gurluşy” kafedrasy boýunça 3 sany hünär:

  •  “Awtomobil ýollarynyň we uçuş meýdançalarynyň gurluşygy”;
  • “Köprüleri we ulag tunnelleri”; 
  • “Seýsmologiýa we seýmika durnukly gurluşyk” hünärleri boýunça okadylýar. 

Hünäriň wezipeleri

  • Bu ugurdaky tejribe taýýarlygy, taslama düzmekden başlap ýollaryň gurluşyk desgalaryň işlenilmegine çenli ähli iş ädimlerini öz içine alýar.
  • Ýer işleriniň öndüriliş tehnologiýasyny öwrenmek, ýol reňkleriniň düzülmegini we asfalt ýa-da sementbeton örtükleriniň goýulmagyny öwrenmek;
  • Ýer işleri guramaçylygynda, ölçeg işlerinde we gurluşyk prosesleriniň hiline gözegçilikde tejribe gatnaşygy, şeýle-de gurluşyk taslamalarynyň ykdysady netijeliligini bahalandyrmak;
  • Resminamalaryň seljerilmegi we taslamalaryň maliýe taýdan netijeliliginiň bahalandyrylmagy.

“Gurluşyk materiallary” kafedrasy boýunça 1 hünär:

  • “Gurluşyk materiallaryny, önümlerini we konstruksiýalaryny öndürmek” hünäri boýunça talyplara bilim berilýär. 

Hünäriň wezipeleri

  • Bu ugur boýunça esasy üns önümçilik tehnologiýalaryny öwrenmäge, hil dolandyryşyna we materiallaryň innowasion işleniş usullaryna gönükdirilýär;
  • Asfaltbeton, sementbeton, ýol gurluşynda ulanylýan beýleki materiallary öndürýän kärhanalaryň işine göz ýetirip, tehnologiýalar we enjamlar bilen tanyşmak;
  • Önümçilik bazalarynda geçirilen tejribe derslerinde talyplar tehnologiýa prosesleri bilen tanyşýarlar.

“Geodeziýa” kafedrasy boýunça 2 sany hünär:

  • “Amaly geodeziýa”;
  • “Kartografiýa we geoinformatika” (senagat pudagynda) taýýarlygyň ugry boýunça talyplar bilim alýarlar. 

Hünäriň wezipeleri

  • Bu ugur boýunça okuwçylar, geomaglumatlary ýygnamak we işlemek usullaryny özleşdirýärler;
  • Okuw meýdanlaryna çykyp, teodolit bilen ölçeg etmek, niwelirlemek we reperleri belläp geçmek;
  • Taheometr, GPS ulgamlarynyň we häzirki zaman aralygy ölçeg enjamlarynyň ulanylmagy arkaly burçlary we uzaklyklary ölçemek, bu usullar ýokary hilli ölçeg almagy üpjün edýär.