TDBGI

Okuw bölüm

Okuw bölüminiň umumy düzgünleri:
Okuw bölümi öz işlerini Türkmen döwlet binagärlik-gurluşyk institutynyň Tertipnamasyna laýyklykda hem-de Okuw bölüminiň Düzgünnamasy esasynda guraýar.
Okuw işlerini guramakda Türkmenistanyň Bilim ministrliginiň beýleki hukuk-kadalaşdyryjy namalaryna esaslanýar. 
Türkmenistanyň Prezidentiniň bilim ulgamyndaky döwlet syýasatyny durmuşa geçirmegi iş ýüzünde üpjün edýär.

Okuw bölüminiň maksatlary we wezipeleri:

• bölümiň esasy maksady okuw prosesini guramak we gözegçilik etmek;
• institutda Okuw işlerini guramakda Türkmenistanyň ýokary hünär okuw mekdepleriniň mugallym işgärleriniň işlerini guramak boýunça usuly görkezmeleri okuw-usulyýet, ylmy-barlag we beýleki işleriniň esasy görnüşlerini düzgünleşdirmekde usuly gollanmalary taýýarlamak;
• institutyň işini kadalaşdyrýan içerki tertip kadalaryny we beýleki ýerli resminamalary işläp düzmek;
• Türkmenistanyň ykdysadyýetiniň pudaklary üçin düýpli ylmy we amaly taýdan kämil hünärmenleri taýýarlamak;
• Türkmenistanyň ýokary taýýarlykly işgärlere we ýokary bilimli hünärmenlere bolan talaplaryny kanagatlandyrmak;
• talyplary we professor-mugallymlaryň bilimini çuňlaşdyrmak boýunça okuwlary guramak;
• amaly barlaglary guramak hem-de geçirmek, şol sanda bilim meseleleri boýunça derňewleri alyp barmak;
• professor-mugallymlaryň hünär derejesini ýokarlandyrmak;
• talyplarda milli taryh, däp-dessurlar hem-de ileri tutulýan umumyadamzat gymmatlyklary bilen özara berk baglanyşykly ýokary medeniýeti hem-de döwlet Garaşsyzlygynyň we Bitaraplygynyň ýörelgelerine, türkmen halkyna, Watana hem-de Türkmenistanyň Prezidentine çuňňur wepalylygy terbiýelemek.

Okuw bölüminiň ýörelgeleri:

• raýatlaryň bilim almak baradaky konstitusion hukuklaryny iş ýüzünde amala aşyrmak, olaryň ruhy, ylmy-aňyýet taýdan sazlaşykly ösmekleri üçin ähli zerur bolan başlangyçlary we şertleri döretmek;
• Türkmenistanyň ministrlikleriniň, pudak edaralarynyň, kärhanalarynyň talaplaryna laýyklykda, hünär boýunça bilimleri çuňňur ele almak bilen, öz ugry boýunça öňde duran wezipeleri ýokary medeniýetlilik we raýatlyk jogapkärçiligi bilen çözmäge ukyby özünde utgaşdyryp bilýän hünärmenleri taýýarlamak;
• talyplary degişli pudagyň gurluş bölümlerinde okuw, tehnologik we önümçilik tejribeliklerini geçmek bilen, okuw işleri bilen ylmy barlaglary ýakyndan utgaşdyrmak esasynda okatmak;
• professor-mugallymlar düzümini gaýtadan taýýarlamak we olaryň hünärini ýokarlandyrmak;
• fundamental we amaly barlaglary, tejribe-konstruktorçylyk işlerini geçirmek, bilim meseleleri boýunça peýdalanmak we olaryň netijelerini okuw işlerine onaşdyrmak;
• ýurduň ilatynyň arasynda häzirki zaman ylmyny, bilimini we onuň gazananlaryny ýaýratmak we wagyz etmek, onuň medeni we bilim beriş derejesini ýokarlandyrmak;
• ýurdumyzyň we öňdebaryjy daşary ýurt okuw we ylmy edaralary hem-de guramalary bilen hünärmenleriň hünär taýýarlyk tejribesini öwrenmek we peýdalanmak maksady bilen hyzmatdaşlyk etmek;
• Türkmenistanyň kanunçylygynda, şeýle hem şu Düzgünnamada kesgitlenen beýleki wezipeleri amal etmek;
• ýokary bilimi dünýewi häsiýetde bermek;
• ýurdumyzyň we dünýä ylmy hem-de önümçiligi, daşary ýurtlaryň ylmy- barlag edaralary, ýokary okuw mekdepleri we beýleki bilim, ylym we medeniýet merkezleri bilen bilelikde işlemegini gazanmak;
• bilim merkezi hökmünde, giň dünýägaraýyşly, öz aňyny türkmen halkynyň we umumy adamzadyň toplan ähli gymmatlyklary we tejribesi bilen baýlaşdyrýan, Türkmenistanyň Garaşsyz, dünýä bileleşigindäki deň hukuklylygy şertlerindäki ykdysady, durmuşy we ruhy ösüşiniň çylşyrymly wezipelerini çözmäge ukyply, ýokary bilimli, dünýä talaplarynyň derejesindäki sowatly hünärmenleri taýýarlamak.