TDBGI

  1. Baş sahypa
  2. Fakultetler

Ykdysadyýet we dolandyryş fakulteti

Türkmen döwlet binagärlik-gurluşyk institutynyň Ykdysadyýet we dolandyrylyş fakulteti, ykdysady ösüşiň durnukly depginleriniň üpjün edilmegine, ykdysady, durmuş we ekologiýa taýdan amatly tehnologiýalary özünde jemleýän, sanly ykdysadyýete uýgunlaşdyrýan, ilatyň intellektual we durmuş şertlerini ygtybarly dünýä standartlarynyň derejelerine ýetirýän bazar ykdysadyýetiň özgertmelerini durmuşa ornaşdyrmagy dowam etdirmekligi başarýan hünärmenleri we bakalawrlary taýýarlamakdan ybarat bolup durýar.
Fakultet talyplary ykdysadyýetiň pudaklaýyn we eýeçilik görnüşleri babatynda diwersifikasiýalaşdyrylmagyny üpjün edýän ýokary hünärli inženerleri taýýarlamak maksady bilen döredildi.
Ykdysadyýet we dolandyryş fakultetiniň ýolbaçylyk düzümide: dekan, dekanyň okuw işleri boýunça orunbasary, dekanyň ylmy işler boýunça orunbasary we dekanyň terbiýeçilik işleri boýunça orunbasary  ýolbaşçylyk edýarler. Ykdysadyýet we dolandyryş fakultetinde jemi 62 sany professor-mugallymlar bolup, olardan: 1 sany professor, 1 sany dosent, 3 sany ykdysady ylymlaryň kandidaty, 1 sany tekniki ylymlaryň kanditaty, 21 sany uly mugallym, 25 sany mugallym, 14 sany mugallym-öwreniji zähmet çekýärler.

Fakultetde 4 sany kafedralar hereket edýar. Bu kafedralar:

  • “Kärhanalarda ykdysadyýet we dolandyryş”
  • “Gozgalmaýan emläkleriň dolandyrylyşy”
  • “Ýokary matematika”
  • “Jemgyýeti öwreniş ylymlary”

Bu fakultetde aşakdaky hünärler boýunça bilim alýarlar:

  • Ykdysadyýet we dolandyryş. Bu ugurda talyplar ykdysadyýet we kärhanalarda, önümçilikde tehniki-ykdysady görkezijileriniň netijeliligini seljermek, kärhananyň ähli işlerinde umumy hojalyk seljermäni geçirmek, önümçilik güýçlerini doly derejede ulanmak maksatlary bilen resurslary peýdaly ulanmak usullaryny işläp taýýarlamak boýunça bilim alýarlar. 
  • Kärhananyň ykdysadyýeti we dolandyrylyşy: Bu ugurda talyplar kärhananyň harytlarynyň, hyzmatlarynyň, işleriniň bäsdeşlige ukyplylygyny kesgitlemek, harytlar (hyzmatlar, işler), olaryň düzümleýin elementleri boýunça meýilnamalaýyn kalkulýasiýa taslamasyny, kärhananyň smetasyny, şeýle-de düzüm bölümleriň harytlarynyň we hyzmatlarynyň meýilnama bahasyny düzmek bilen baglanyşykly bilim alýarlar.
  • Logistika: Bu ugurda talyplar gurluşyk kärhanalaryň logistika boýunça bäsdeşlige ukybyny ýokarlandyrmak boýunça esaslandyrmany düzmek boýunça bilim alýarlar.
  • Gozgalmaýan emläkleriň ekspertizasy we dolandyrylyşy: Bu ugurda talyplar gurluşykda taslama-gözleg işleriniň bahasyny kesgitlemegiň tertibini tejribede ulanmakdan baş çykarýan bilim alýar.

Şeýle hem fakultetde bakalawr maksatnamasy esasynda şu aşakdaky ugurlar boýunça bilim berilýar: 

  1. Ykdysadyýet we dolandyryş. (senagat  pudagynda): bu ugurda talyplar ykdysadyýet we kärhanalarda, önümçilikde tehniki-ykdysady görkezijileriniň netijeliligini  seljermek, kärhananyň ähli işlerinde umumy hojalyk seljermäni geçirmek, önümçilik güýçlerini doly derejede ulanmak maksatlary bilen resurslary peýdaly ulanmak usullaryny işläp taýýarlamak  boýunça  boýunça bilim alýarlar. 
  2. Kärhananyň ykdysadyýeti we dolandyrylyşy: (senagat  pudagynda): bu ugurda talyplar Kärhananyň harytlarynyň, hyzmatlarynyň, işleriniň bäsdeşlige ukyplylygyny kesgitlemek, harytlar (hyzmatlar, işler), olaryň düzümleýin elementleri boýunça meýilnamalaýyn kalkulýasiýa taslamasyny, kärhananyň smetasyny, şeýle-de düzüm bölümleriň harytlarynyň we hyzmatlarynyň meýilnama bahasyny düzmek  bilen baglanyşykly bilim alýarlar.
  3. Önümçiligiň ykdysadyýeti we guralyşy (senagat pudagynda): bu ugurda talyplar Önümçilikde enjamlaryň durkuny täzelemek we täze önümleri öndürmegi gurnamak, usulyýetiň çäklerinde meýilnamalaşdyrmagy, zähmet görkezijilerini, kärhananyň we onuň düzüm bölümlerinde önümçilik-hojalyk işleriniň netijelerini derňemek (seljermek) boýunça barlaglary geçirmek boýunça boýunça bilim alýarlar.
  4. Logistika (senagat pudagynda): bu ugurda talyplar öndürilýän gurluşyk materiallaryny, mineral-çig mallary we taýýar önümleri daşamak, ilatyň sarp edýän harytlarynyň içerki bazarlarda ýerleşdirmek, artýan bölegini daşary ýurtlara iberilmegini gazanmak boýunça bilim alýarlar.
  5. Gozgalmaýan emläkleriň ekspertizasy we dolandyrylyşy (senagat pudagynda): bu ugurda talyplar bazar ykdysadyýeti şertlerinde işewürlige baha kesmegiň ýörelgelerini kesgitlemek boýunça bilim alýarlar

Fakultetde talyplar nazary bilimler bilen birlikde, önümçilik tejribesini hem geçýärler. Okuw meýilnamalary häzirki zaman talaplaryna laýyklykda düzülip, gurluşyk we senagat pudagynda zerur bolan bilimleri we başarnyklary öz içine alýar. Bu bolsa talyplaryň geljekde öz ugurlary boýunça ýokary bilimli inžener-logist, inžener-gurluşykçy-ekspert we inžener-ykdysatçylar bolup ýetişmegine mümkinçilik berýär.