Taryha salgylanamyzda zenanlara maşgala ojagynyň mukaddesligi hökmünde garalypdyr. Türkmen Zenanlary wepaly ýanýoldaş, mährem ene, yhlasly öý bikesi bolmak bilen adamkärçiligiň asylly häsiýetlerini özünde jemleýärler. Ata-babalarymyz zenany mertebe tugy hasap etmek bilen olaryň hemişe gözellikler bilen gurşalmagy hakynda alada edipdirler. Dünýä akyldary beýik Magtymguly Pyragynyň dür dänesi deý gymmatly setirlerinde:
Dünýä sözi meňzär duzsuz tagama,
Söz içinde gelin-gyz hem bolmasa
diýmek bilen, gelin gyzlaryň jemgyýetdäki ornuny aýdyň kesgitläpdir. Olary dünýä bezegine, many-mazmunyna, goja zeminiň görküne deňäpdir. Häzirki günde hem zenanlar ýaşaýşyň, rowaçlygyň, sazlaşygyň, kämilligiň şuglasy bolup kalplarymyzy nurlandyrýar. Türkmen halkly maşgala, ruhy-ahlak gymmatlyklaryny gorap saklamak, nesillerimizi milli ruhda terbiýelemek barada meselä aýratyn ünsli çemeleşýär. Maşgalanyň abraýy, rysgaly, döwletliligi, esasan hem-de zenanlara degişlidir.
Şonuň üçin hem-de maşgala binýadynyň berkemeginde, nesilleriň döwrebap terbiýelenmeginde zenanlaryň ornuna aýratyn ähmiýet berilýär. Maşgalanyň abraýy şol maşgaladaky zenanlaryň päk ahlagy bilen gönüden-göni baglanyşyklydyr. Hut şonuň üçin hem-de zenan türkmen ahlagynyň päkligidir.
