2025-nji ýylyň 11-nji oktýabrynda Türkmen döwlet binagärlik-gurluşyk institutynyň Ýol gurluşygy fakultetiniň mugallymlary Aşgabat gurluşyk orta hünär okuw mekdebinde “Seýsmika durnukly gurluşygyň ähmiýeti” atly okuw maslahatyny geçirdi.
Maslahatda talyplara ýer titremeleriň fiziki tebigaty, olaryň gurluşyk desgalaryna ýetirýän täsirleri, inženerlik çözgütleri, şol sanda, seýsmiki hasaplamalar, fundamentleriň aýratyn gurluşy, ýeňil we çydamly konstruksiýalar, seýsmologiki gözegçilik hem-de ýer titremelerini ýazga almagyň usullary hakynda giňişleýin gürrüň berdiler.
Şeýlelikde, bu wagyz-nesihat we öwüt-ündew çäreleri häzirki wagtda Garaşsyz, Bitarap Türkmenistan döwletimizde talyp ýaşlarymyzyň döwrebap bilim almaklygy gazanylýar. Şonuň netijesinde talyp ýaşlarymyzyň häzirki döwrüň talabyna laýyk gelýän derejede taslamalary ýerine ýetirmeklerini gazanmaklygy ýola goýmaklyk üçin şular ýaly okuw maslahaty bilen öňki bar bolan maglumatlaryň üsti doldurylyp durulýar.
