2025-nji ýylyň 28-nji noýabrynda Türkmen döwlet binagärlik gurluşyk institutyň Ýol gurluşygy fakultetiniň talyp ýaşlarynyň arasynda saglygy goraýyş ulgamynda döwlet tarapyndan alnyp barylýan syýasaty wagyz-nesihat etmek maksady bilen, “Gurluşyk materiallary” kafedrasynyň gurnamagynda “Saglygy goramak döwlet syýasatynyň baş ugry” atly ýörite maslahat geçirildi.
Terbiýeçilik ähmiýetli bu maslahat ynsan saglygyny berkitmek, sagdyn durmuş ýörelgelerini wagyz etmek, talyp-ýaşlarda ýaşaýyş-durmuş medeniýetini ýokarlandyrmak maksadyna gönükdirildi.
Wagyz-nesihat çäresinde çykyş eden “Gurluşyk materiallary” kafedrasynyň mugallymy Toýbibi Kömekowa Türkmenistanyň hormatly Prezidentiniň saglygy goraýyş ulgamyny ösdürmek boýunça alyp barýan giň gerimli işleri, şol sanda:
-raýatlaryň saglygyny goramak boýunça kabul edilýän döwlet maksatnamalary,
-keselleriň öňüni alyş çäreleriniň ösdürilmegi,
-sagdyn durmuş ýörelgesiniň jemgyýetde ornaşdyrylmagy,
-arassaçylyk, arassa durmuş, sagdyn iýmitlenme, fiziki işjeňlik ýaly ugurlaryň ähmiýeti baradaky maglumatlary giňişleýin beýan etdi.
Şeýle hem ýurt derejesinde öňe sürülýän “Adam saglygy — döwlet derejesindäki gymmatlykdyr” diýen ýörelgäniň her bir raýatyň jogapkärçiliginiň güýçlendirýändigini aýratyn nygtady.
Ylym bölüminiň esasy hünärmeni
Gülnar TEKÄÝEWA
