Türkmenistanyň Bilim ministrligi bilen Türkmenistanyň Baş prokuraturasy tarapyndan bilelikde tassyklananan “Ýokary okuw mekdeplerini tamamlaýan uçurymlaryň arasynda zähmet kanunçylygyna degişli kadalaşdyryjy hukuk namalary boýunça Türkmenistanyň baş prokuraturasynyň Türkmenistanyň Bilim ministrligi bilen bilelikdäki düşündiriş wagyz-nesihat çärelerini geçirmegiň Iş meýilnamasynyň” çäklerinde 2025-nji ýylyň 21-nji noýabrynda Nebit-gaz medeni işewürlik merkezinde Türkmen döwlet binagärlik-gurluşyk institutyny tamamlaýan uçurymlaryň gatnaşmagynda düşündiriş wagyz-nesihat çäresi geçirildi. Bu çärä Türkmenistanyň Baş prokuraturasynyň Kämillik ýaşyna ýetmedikler we ýaşlar hakyndaky kanunlaryň ýerine ýetirilişine gözegçilik bölüminiň uly prokurory 1-nji derejeli ýurist Allamyrat Amandurdyýew we Türkmenistanyň Bilim ministrliginiň ýokary we orta hünär bilimi bölüminiň baş hünärmeniDerýa Ilmyradow gatnaşdylar we çykyş etdiler. Çäräniň dowamynda myhmanlar bilen uçurymlaryň arasynda özara sorag-jogap alyşyldy.
