2025-nji ýylyň 17-nji oktýabrynda Türkmen döwlet binagärlik-gurluşyk institutynyň Binagärlik-gurluşyk fakultetiniň uly mugallymy Amangeldi Orazow Gahryman Arkadagymyz Gurbanguly Berdimuhamedowyň “Türkmenistanyň dermanlyk ösümlikleri (XVII jilti)” hem-de “Saglygy goraýyşda gazanylan sepgitler” atly täze ýazan eserleri bilen baglanyşykly ylmy-amaly maslahat geçirdi.
Ylmy-amaly maslahata Binagärlik-gurluşyk fakultetiniň professor-mugallymlary gatnaşdy. Ylmy-amaly maslahatda kitaplaryň many-mazmuny giňişleýin düşündirildi, dermanlyk ösümlikleriniň saglygy goraýyş ulgamyndaky ähmiýeti we ülňüler boýunça gazanylan sepgitler hakynda ylmy sorag-jogap alşyldy. Şeýle-de, ylmy-amaly maslahatda tejribe alyşmak, geljekki maksatlar boýunça pikir alyşmak üçin aýratyn duşuşyklaryň ýene-de birnäçesiniň öňümizdäki günlerde gurnaljakdygy aýdyldy.
Maslahatyň geçirilmegi bilim ulgamynda ylmy-amaly işleriň kämilleşdirilmegine, kitaplaryň jemgyýetçilik bilen paýlaşylmagyna we halk arasynda saglyk biliminiň ýokarlandyrylmagyna ýardam berer.
