2026-njy ýylyň 13-nji maýynda Berkarar döwletiň täze eýýamynyň Galkynyşy döwrüniň “Garaşsyz, baky Bitarap Türkmenistan - bedew batly at-myradyň mekany” ýylynda Türkmen döwlet binagärlik-gurluşyk institutynda 2026/2027-nji okuw ýylynda okuwa girmäge isleg bildirýän Aşgabat şäheriniň we Ahal welaýatynyň Ak bugdaý etrabynyň orta mekdepleriniň gutardyş synp okuwçylary hem-de Aşgabat gurluşyk orta hünär okuw mekdebiniň uçurym talyplary bilen “Açyk gapylar” güni geçirildi.
“Açyk gapylar” gününe Aşgabat şäher Baş bilim müdirliginiň 33, 46, 50, 77, 86, 116-njy orta mekdepleriniň, hem-de Ahal welaýatynyň Ak bugdaý etrabynyň 45-nji orta mekdebiniň gutardyş synp okuwçylary we Aşgabat gurluşyk orta hünär okuw mekdebiniň uçurym talyplary gatnaşdylar.
Çärä gatnaşan bagtyýar ýaşlary Türkmen halkynyň Milli Lideri Gahryman Arkadagymyzyň, Hormatly Prezidentimiziň ýurdumyzyň ylym-bilim ulgamyny ösdürmekde alyp barýan syýasatlaryny durmuşa geçirmek boýunça institutymyzda giň gerimli işler alnyp barylýar. Institutymyzda öwrenilýän hünärler, taýýarlyk ugurlary, professor-mugallymlar, talyplar tarapyndan döredilýän şekil taslamalary, döwrebap tehnologiýalar we internet bilen enjamlaşdyrylan okuw otaglary, meýletinçiler toparynyň taýýarlyklary, aýdym-saz, tans toparlarynyň çykyşlary, kitaphananyň, talyplar sport klubynyň işi, institutyň muzeýi, talyplaryň ýaşaýyş-durmuş şertleri bilen tanyşdyryldy.
Baba Myratberdiýew
Türkmen döwlet binagärlik-gurluşyk institutynyň
Kärdeşler arkalaşygy guramasynyň başlygy
