TDBGI

Hoş geldiňiz!

Türkmen döwlet binagärlik-gurluşyk instituty
Habarlaşmak üçin
Hoş geldiňiz!

Türkmen döwlet binagärlik-gurluşyk instituty
Habarlaşmak üçin
Hoş geldiňiz!

Türkmen döwlet binagärlik-gurluşyk instituty
Habarlaşmak üçin

TÜRKMEN DÖWLET BINAGÄRLIK-GURLUŞYK INSTITUTY

Türkmen döwlet binagärlik-gurluşyk instituty barada maglumatlar

Taslamalar

Institutyň binagärlik taslama işleri

Giňişleýin

Dalaşgärler üçin

Dalaşgärlige degişli maglumatlar

Giňişleýin

Institutyň içki gurluşy

Giňişleýin

Aspirantura bölümi

Aspirantura bölümi barada

Giňişleýin

Instituty wideo şekilli tanyşdyrylyşy

TÜRKMEN DÖWLET BINAGÄRLIK-GURLUŞYK INSTITUTY

Häzirki wagtda Türkmen döwlet binagärlik-gurluşyk institutynda 8 fakultet we 28 kafedra hereket edýär we 4635 sany talyp 10 ugur we 34 hünär boýunça döwrüň talabyna laýyklykda bilim alýarlar. Bakalawr maksatnamasynyň 7 sany ugry boýunça 13 sany taýýarlygyň ugrundan bakalawrlar taýýarlanýar. Institut Türkmenistanyň döwlet we hususy eýeçilikdäki edaralary we kärhanalary üçin ýöriteleşdirilen ugurlar boýunça hünärmenleri taýýarlaýar we her ýylda 759-dan gowrak ýokary bilimli hünärmenleri goýberýär.

0:00 / 0:00

Taslamalar

TÜRKMEN DÖWLET BINAGÄRLIK-GURLUŞYK INSTITUTYNYŇ MUGALLYMLARYNYŇ WE TALYPLARYNYŇ TASLAMALARY

Dünýäniň dürli künjegindäki hyzmatdaslarymyz

Dünýäniň dürli künjegindäki hyzmatdaş kompaniýalarymyz bilen birnäçe taslamalarymyzy amamla aşyrmakda iş salyşýarys

Dünýäniň birnäçe kompaniýalary bilen hyzmatdaşlyk

Fakultetler

Kafedralar

Hünärler

Ugurlar

Tejribehanalar

4735

Talyplar

Täzelikler

15-11-2026

ÝAŞLAR BARADA DÖWLET SYÝASATYNYŇ MÖHÜM WEZIPELERINE BAGYŞLANAN WAGYZ-NESIHAT DUŞUŞYGY GEÇIRILDI

Türkmen döwlet binagärlik-gurluşyk institutynda ýaşlar barada döwlet syýasatyny üstünlikli durmuşa geçirmek, ýaş nesliň hukuk sowatlylygyny ýokarlandyrmak, jemgyýetçilik jogapkärçiligini berkitmek hem-de milli we ruhy-ahlak gymmatlyklarymyza hormat goýmak duýgusyny ösdürmek maksady bilen wagyz-nesihat duşuşygy geçirildi. Duşuşyga hukuk goraýjy edaralaryň wekilleri, hormatly ýaşulular, şeýle hem Türkmen döwlet binagärlik-gurluşyk institutynyň mugallymlary we talyplary gatnaşdylar. Dürli nesilleriň we jemgyýetçilik düzümleriniň wekilleriniň bir ýere jemlenmegi ýaşlaryň hukuk medeniýetini ýokarlandyrmak, milli däp-dessurlarymyzy wagyz etmek, jemgyýetçilik tertibini berjaý etmek hem-de ýaş nesli watansöýüjilik we ýokary ahlaklylyk ruhunda terbiýelemek meselelerine toplumlaýyn çemeleşmegiň ähmiýetini görkezdi. Şeýle duşuşyklar ýaşlaryň durmuş tejribesini baýlaşdyrmakda, olaryň jemgyýetçilik işjeňligini ösdürmekde we nesilleriň arasyndaky ruhy-ahlak arabaglanyşygy pugtalandyrmakda möhüm ähmiýete eýedir. Çäre Hormatly Prezidentimiz Arkadagly Gahryman Serdarymyzyň Karary bilen tassyklanan «Türkmenistanda ýaşlar barada döwlet syýasatynyň 2031-nji ýyla çenli Döwlet maksatnamasy» hem-de ony amala aşyrmak boýunça ýerine ýetirilmeli çäreleriň meýilnamasyndan gelip çykýan wezipeleri durmuşa geçirmäge, şeýle hem bu möhüm resminamalaryň many-mazmunyny ýaşlara giňişleýin düşündirmäge gönükdirildi. Duşuşygyň esasy maksatlarynyň biri ýaşlaryň hukuk düşünjelerini kämilleşdirmek, sagdyn durmuş ýörelgelerini wagyz etmek we olaryň jemgyýetçilik durmuşyna işjeň gatnaşmagyna ýardam bermek boldy. Wagyz-nesihat duşuşygynyň dowamynda ýaşlaryň arasynda ýüze çykyp biljek hukuk bozulmalarynyň, adam söwdasy bilen bagly howplaryň we beýleki ýaramaz ýagdaýlaryň öňüni almak, milli kanunçylygyň talaplaryny berjaý etmek, ýol hereketiniň düzgünlerine eýermek hem-de ýangyn howpsuzlygyny üpjün etmek meselelerine aýratyn üns berildi. Şeýle hem ýaşlaryň migrasiýa meseleleri boýunça hukuk sowatlylygyny ýokarlandyrmagyň, olaryň durmuş goraglylygyny üpjün etmegiň, öz hukuklaryna we kanuny bähbitlerine düşünmeginiň hem-de durmuşda jogapkärli çözgütleri kabul etmek endiklerini ösdürmegiň ähmiýeti nygtaldy. Duşuşykda ýaşlaryň psihologik abadançylygyny goramak, kyn durmuş ýagdaýlarynda olara öz wagtynda goldaw bermek, psihologik maslahat hyzmatlaryna elýeterliligini ýokarlandyrmak we öz janyna kast etmek ýaly pajygaly ýagdaýlaryň öňüni almak bilen baglanyşykly meseleleriň möhümdigi hem bellenildi. Mundan başga-da, maşgala gatnaşyklaryny berkitmek, nika bozulmalarynyň öňüni almak, maşgalanyň jemgyýetdäki ornuna düşünmek, ýaşlaryň arasynda özara hormat goýmak medeniýetini ösdürmek hem-de milli maşgala gymmatlyklaryny gorap saklamak ýaly möhüm ugurlara üns çekildi. Çäräniň dowamynda ýurdumyzda geçirilýän milli we halkara derejeli medeni-köpçülikleýin çäreleriň asuda, guramaçylykly we howpsuz ýagdaýda geçirilmeginde ýaşlaryň jogapkärçiliginiň ähmiýetine hem aýratyn orun berildi. Ýaş nesilde watansöýüjilik, ynsanperwerlik, ýokary ahlaklylyk, halallyk we päk zähmete ygrarlylyk ýaly asylly häsiýetleri kemala getirmegiň, milli däp-dessurlarymyzy aýawly saklamagyň hem-de maşgala mukaddesligine hormat goýmagyň zerurdygy nygtaldy. Ýurdumyzda ýaşlaryň bilimli, giň dünýägaraýyşly, sagdyn, hünär taýdan taýýarlykly we jemgyýetçilik işjeňligi ýokary şahsyýetler bolup ýetişmegi ýaşlar barada döwlet syýasatynyň ileri tutulýan ugurlarynyň biridir. Şunuň bilen baglylykda, ýokary okuw mekdeplerinde geçirilýän şeýle wagyz-nesihat duşuşyklary ýaşlaryň hukuk düşünjelerini giňeltmäge, olaryň durmuşda özbaşdak we jogapkärli çözgütleri kabul etmek ukyplaryny ösdürmäge, milli gymmatlyklarymyza bolan hormatyny berkitmäge hem-de jemgyýetçilik durmuşyna işjeň gatnaşmagyna ýardam bermäge gönükdirilendir. Türkmen döwlet binagärlik-gurluşyk institutynda geçirilen bu wagyz-nesihat duşuşygy hem ýaş nesliň hukuk we durmuş meseleleri boýunça düşünjelerini giňeltmäge, olaryň ruhy-ahlak taýdan kämilleşmegine, nesilleriň arasyndaky özara düşünişmegi berkitmäge hem-de ýaşlary Garaşsyz, hemişelik Bitarap Türkmenistan Watanymyza çuňňur buýsanç, söýgi we wepalylyk ruhunda terbiýelemäge gönükdirilen möhüm çäreleriň biri boldy. Orazberdi Çaryýew Türkmen döwlet binagärlik-gurluşyk institutynyň Magtymguly adyndaky ilkinji Ýaşlar guramasynyň başlygy

Hemmesi

14-11-2026

Kuraş ýaryşynda ýeňiş: Pälwan Rüstemow Lebap welaýatynyň kubogynda 1-nji orunda!

Hormatly Prezidentimiziň ýurdumyzda sporty we bedenterbiýäni ösdürmek baradaky alyp barýan syýasatyny durmuşa ornaşdyrmak, Kuraş göreşini mundan beýläk has-da ösdürmek, türgenleri Watansöýüjilik ruhunda terbiýelemek maksady bilen Lebap welaýatynyň Bedenterbiýe we sport baradaky Baş müdirliginiň we Türkmenistanyň Kuraş federasiýasynyň düzgünnamalary esasynda, 2026-njy ýylyň 5–6-njy noýabry aralygynda sportuň Kuraş görnüşi boýunça erkekleriň we aýal-gyzlaryň arasynda Lebap welaýatynyň kubogyny almak ugrunda ýaryş geçirildi. Ýaryş Türkmenabat şäherindäki 4-nji sport mekdebinde guraldy. Bu ýaryşda Türkmen döwlet binagärlik-gurluşyk institutynyň Binagärlik-gurluşyk fakultetiniň «Ýyllylyk gaz üpjünçiligi we howa çalşygy» hünäriniň 4-nji ýyl talyby Rüstemow Pälwan ussatlyk bilen çykyş edip, Kuraşdan 1-nji orna mynasyp boldy. Ýeňijä medal we Hormat haty gowşuryldy. Pälwan Rüstemow sport klubynyň başlygy Maksat Orazowyň tälimi astynda yzygiderli türgenleşip, ýaryşa ýokary taýýarlyk bilen gatnaşdy. Onuň gazanan ýeňşi ýaşlarymyzyň sport bilen yzygiderli meşgullanmagynyň, Watansöýüjilik ruhunda terbiýelenmeginiň we milli göreşimiz Kuraşyň has-da ösmeginiň aýdyň mysalydyr. Institutyň mugallym-professorlar topary we talyplar Pälwan Rüstemowy gazanan ýeňşi bilen gutlap, oňa mundan beýläk-de uly üstünlikler arzuw edýärler. Ýurdumyzda sporty we bedenterbiýäni ösdürmäge, ýaşlaryň sagdyn, berk bedenli we Watansöýüji ruhly bolup ýetişmegine uly ähmiýet berýän, türgenler üçin giň mümkinçilikleri döredip berýän Hormatly Prezidentimize we Gahryman Arkadagymyza tüýs ýürekden sagbolsun aýdýarys! Hormatly Prezidentimiziň ruhlandyryjy syýasaty bilen türgenlerimiz geljekde-de ýokary sport sepgitlerini ýeňip, Watanymyzyň abraýyny dünýä ýaýmaga goşant goşarlar. Berkarar döwletimiziň bagtyýarlyk döwründe sport ugrundaky üstünliklerimiz mundan beýläk-de artsyn!

Hemmesi

14-11-2026

Türkmen döwlet binagärlik-gurluşyk institutynda “Sanly tehnologiýalar – ähli ösüşleriň binýady!” atly okuw seminary geçirildi

Berkarar döwletiň täze eýýamynyň Galkynyşy döwründe, Hormatly Prezidentimiziň parasatly baştutanlygynda 2026-njy ýylyň “Garaşsyz, baky Bitarap Türkmenistan – bedew batly at-myradyň mekany” ýyly diýlip yglan edilmegi mynasybetli ýurdumyzda geçirilmegi meýilleşdirilýän halkara çärelerine meýletinçi talyplary ýokary derejede taýýarlamak maksady bilen möhüm çäreler guralýar. Ýaňy-ýakynda Türkmen döwlet binagärlik-gurluşyk institutynyň Meýletinçiler merkeziniň Kompýuter tehnologiýasy we awtomatika fakulteti bilen bilelikde gurnamagynda “Sanly tehnologiýalar – ösüşleriň binýady!” atly okuw seminary geçirildi. Institutyň professor-mugallymlarynyň we meýletinçi talyplarynyň işjeň gatnaşmagynda geçen bu okuw seminarynda sanly ulgamyň hem-de innowasion tehnologiýalaryň ylym-bilim ulgamyndaky we halkara hyzmatdaşlygyndaky orny barada düýpli çykyşlar diňlenildi. Seminaryň meýilnamasyna laýyklykda “Daşary ýurt dillerini öwrenmekde sanly tehnologiýalaryň ähmiýeti” atly tema boýunça “Diller” kafedrasynyň uly mugallymy Kümüş Allabaýewa çykyş edip, daşary ýurt dillerini özleşdirmekde döwrebap sanly platformalaryň giň mümkinçiliklerini beýan etdi. “Hünär öwrenmekde innowasion tehnologiýalary ulanmagyň aýratynlyklary” tema boýunça “Informatika we maglumat tehnologiýalary” kafedrasynyň uly mugallymlary Güljan Meredowa we Ogulgöwher Kösäýewa amaly sapaklary guramagyň innowasion usullary barada giňişleýin maglumat berdiler. “Daşary ýurt dillerini öwrenmekde emeli aňy ulanmagyň aýratynlyklary” atly tema boýunça meýletinçi talyplar Dawut Ruslanow we Gülnar Begenjowa dagy daşary ýurt dillerinde çykyş edip, häzirki zaman emeli aň tilsimleriniň dili tiz we netijeli öwrenmekdäki artykmaçlyklaryny amaly mysallar arkaly görkezdiler. Okuw seminarynyň ahyrynda meýletinçi talyplaryň halkara çärelerine taýýarlyk derejesini ýokarlandyrmak we olaryň daşary ýurt dillerini hem-de sanly tehnologiýalary kämilleşdirmek boýunça döredip berýän giň mümkinçilikleri üçin Gahryman Arkadagymyza we Arkadagly Gahryman Serdarymyza uly hoşallyklaryny beýan etdiler. Şeýle çäreleriň yzygiderli geçirilmegi ýaşlaryň innowasion we zähmet ukybyny ösdürmekde uly ähmiýete eýedigi bellenildi. Kümüş ALLABAÝEWA, Türkmen döwlet binagärlik-gurluşyk institutynyň Meýletinçiler merkeziniň başlygy

Hemmesi

14-11-2026

Dünýä çempionatynyň bürünç medaly: Türkmen döwlet binagärlik-gurluşyk institutynyň talyby dünýäniň iň güýçli samboçylarynyň hatarynda!

Türkmen döwlet binagärlik-gurluşyk institutynyň kompýuter tehnologiýalary we awtomatika fakultetiniň talyby Gurbanaý Gurbanowa sambo boýunça dünýä çempionatynda bürünç medala mynasyp bolup, halkara sport meýdançasynda ýokary netijäni gazandy. 2026-njy ýylyň 6–8-nji noýabry aralygynda Özbegistan Respublikasynyň paýtagty Daşkent şäherinde sambo boýunça 50-nji dünýä çempionaty geçirildi. Abraýly ýaryşa dünýäniň 101 döwletinden 508 türgen gatnaşyp, bu çempionat söweş sungatlarynyň dünýäsinde giň gerimli sport wakasyna öwrüldi. 50 kilograma çenli agram derejesinde söweş sambosy boýunça çykyş eden talybymyz ýokary sport taýýarlygyny, tutanýerliligini we ýeňşe bolan erk-islegini görkezdi. Baýrakly orunlar ugrunda geçirilen dartgynly bäsleşikde Gurbanaý Ukrainanyň wekili Ýuliýa Zasulskaýany 10:1 hasabynda möhletinden öň ýeňip, ýaryşyň netijeleri boýunça hormat münberiniň üçünji basgançagyna çykdy. Bu medal ýaş türgeniň sport ýolundaky nobatdaky möhüm üstünligi boldy. Gurbanaý 2026-njy ýylyň aprel aýynda Ýerewan şäherinde geçirilen sambo boýunça dünýä Kubogynda kümüş medala mynasyp bolupdy. Indi bolsa ol sport üstünlikleriniň üstüni dünýä çempionatynyň bürünç medaly bilen ýetirdi. Gurbanaý Gurbanowanyň üstünligi institutymyzyň ähli işgärleri we talyplary üçin uly buýsançdyr. Onuň gazanan netijesi maksada okgunlylygyň, yhlasly zähmetiň we kämillige ymtylmagyň Türkmenistanyň ýaşlaryna diňe bir bilimde däl, eýsem sportda hem ýokary sepgitlere ýetmäge mümkinçilik berýändiginiň aýdyň mysalydyr. Türkmen döwlet binagärlik-gurluşyk institutynyň agzybir topary Gurbanaý Gurbanowany gazanan mynasyp baýragy bilen tüýs ýürekden gutlaýar we oňa berk jan saglyk, egsilmez güýç-kuwwat, täze sport üstünliklerini hem-de halkara ýaryşlarynda uly ýeňişleri arzuw edýär!

Hemmesi

10-11-2026

Hormatly Prezidentimiziň Gazagystan döwletine bolan sapary dogrusynda syýasy gepleşik gurnaldy

2026-nji ýylyň 6-njy noýabrynda Arkadagly Gahryman Serdarymyz Akaba prosesiniň çäklerinde emeli aň ulgamynda howpsuzlyk boýunça Merkezi Aziýa döwlet Baştutanlarynyň duşuşygyna gatnaşyp, Gazagystan Respublikasyna iş saparyny amala aşyrdy. Institutymyzyň Demokratik partiýasynyň gurnamagynda bu saparyň many-mazmunyny, hyzmatdaşlygynyň dürli ugurlary boýunça üstünlikli ösdürilýändigi dogrusynda Türkmen döwlet binagärlik-gurluşyk institutynyň mugallymlary bilen tegelek stoluň başynda gepleşik gurnaldy we Aşgabat teleýaýlymy bilen ýazgy edildi.

Hemmesi

09-11-2026

Döwrebap tehnologiýalar bilen ýakyndan tanyşlyk: «Amaly geodeziýa» hünäriniň talyplary önümçilik tejribesinde

Ýokary hünärli inženerleri taýýarlamak nazary okuwyň hakyky önümçilik bilen berk arabaglanyşygyny talap edýär. Geljekki hünärmenleriň hünärine degişli kynçylyklara doly taýýar bolmaklary üçin, institut hereket edýän senagat we gurluşyk desgalarynda yzygiderli amaly sapaklary guraýar. Şeýlelikde, 2026-njy ýylyň 26-njy oktýabrynda Ýol gurluşygy fakultetiniň «Amaly geodeziýa» hünäriniň 4-nji ýyl talyplary üçin giň gerimli göçme önümçilik sapagy guraldy. «Geodeziýa» kafedrasynyň uly mugallymy Narbaý Özbekowyň ýolbaşçylygynda talyplar hakyky gurluşyk meýdançasyna — Aşgabat şäheriniň Gurtly ýaşaýyş toplumyndaky «Ojar Aziýa» hususy kärhanasynyň ýol-gurluşyk desgasyna gitdiler. Hakyky önümçilik şertlerinde sagat 08:30-dan 13:00-a çenli dowam eden bu sapak geljegiň geodezistleri üçin auditoriýalarda alan bilimlerini tejribede berkitmäge ajaýyp mümkinçilik boldy. Talyplar iş prosesini öz gözleri bilen synlamagy, şeýle-de iň täze geodezik gurallar we ýol gurluşygynyň öňdebaryjy tehnologiýalary bilen ýakyndan tanyşmagy başardylar. Okuwyň şeýle görnüşi diňe bir talyplaryň hünär başarnyklaryny ýokarlandyrman, eýsem olara ýurduň gurluşyk meýdançalarynda üstünlikli we ynamly işlemek üçin zerur bolan gymmatly tejribe berýär.

Hemmesi

09-11-2026

Türkmen döwlet binagärlik-gurluşyk institutynda “Geodeziýada GPS we GLONASS tehnologiýalary” atly ylmy-okuw maslahaty geçirildi.

2026-njy ýylyň 3-nji noýabrynda Türkmen döwlet binagärlik-gurluşyk institutynyň Ýol gurluşygy fakultetiniň “Geodeziýa” kafedrasynyň uly mugallymy Narbaý Özbekow tarapyndan “Geodeziýada GPS we GLONASS tehnologiýalary” atly onlaýn ylmy-okuw maslahaty geçirildi. Okuw maslahatyna ýurdumyzyň öňdebaryjy ýokary we orta hünär okuw mekdepleriniň professor-mugallymlary, talyplary gatnaşdy. Onlaýn duşuşykda Magtymguly adyndaky Türkmen döwlet uniwersitetiniň, Türkmenistanyň Inžener-tehniki we ulag kommunikasiýalar institutynyň wekilleri özara tejribe alyşdylar. Çykyşda GPS serişdesiniň kömegi dürli derejeli takyklykdaky geodeziki torlaryny döretmekde, geofiziki, gidrografiki surata almada, şeýle hem geologiki gözleg işlerini geçirmekde, geografiki maglumat ulgamyny döretmek üçin kartografiki, statistiki we kosmos materiallarynyň ulanylyşy, obýektler baradaky maglumatlary ýygnamak, saklamak, gözlemek we işlemek üçin niýetlenen serişdeleri öwrenmek bellenip geçildi.

Hemmesi

08-11-2026

«Agrosenagat toplumynyň durnukly ösüşi» halkara ylmy-amaly maslahaty

2026-njy “Garaşsyz, baky Bitarap Türkmenistan – bedew batly at-myradyň mekany” ýylynyň 6-njy noýabrynda ylym ulgamyny dünýä derejesine çykarmak, ýurdumyzyň oba hojalyk pudagynyň ösüş depginini güýçlendirmek we ekologiýa abadançylygyny has-da pugtalandyrmak maksady bilen, S.A.Nyýazow adyndaky Türkmen oba hojalyk uniwersitetiniň gurnamagynda Hasyl toýy mynasybetli sanly ulgam arkaly “Agrosenagat toplumynyň durnukly ösüşi” atly halkara ylmy-amaly maslahaty geçirildi. Sanly ulgam arkaly geçirilen halkara maslahata ýurdumyzyň beýleki ýokary okuw mekdepleri bilen birlikde Türkmen döwlet binagärlik-gurluşyk institutynyň professor-mugallymlary we talyp ýaşlary onlaýn görnüşde gatnaşdylar. Bu geçirilen halkara ylmy-amaly maslahaty Hormatly Prezidentimiziň parasatly baştutanlygynda ösüşleriň hereketlendiriji güýji bolan ylym, bilim ulgamynda gazanylan üstünlikleri özara tejribe alyşmakda uly ähmiýete eýedir. Gulnar TEKAEWA Türkmen döwlet binagärlik-gurluşyk institutyny Ylym bölümiriň baş hünärmeni

Hemmesi

07-11-2026

Sanly gurluşyk we «akylly» şäherler: ýerli materiallar we geljegiň inženerlerini taýýarlamak

«Türkmenistanyň gurluşyk, senagat, himiýa, energetika pudaklarynyň ösüşi – 2026» atly halkara sergide we maslahatda Türkmen döwlet binagärlik-gurluşyk institutynyň rektory Begli Baýrammyradowiç Ataýew gurluşygy sanlylaşdyrmagyň şertlerinde ýerli gurluşyk materiallaryny ulanmak we inžener hünärmenlerini taýýarlamak boýunça çemeleşmeleri hödürledi. Çykyşda materiallaryň häsiýetlerini öwrenmek, barlanan maglumatlary BIM modelleşdirmesinde ulanmak hem-de binalaryň we desgalaryň sanly jübütlerini döretmek meselelerine garaldy. Institutyň täze binalar toplumynyň mümkinçiliklerine, talyplaryň amaly taýýarlygyna hem-de bilimiň, ylmyň we önümçiligiň arasyndaky baglanyşygy berkitmäge aýratyn üns berildi. Şeýle hem rektor hyzmatdaşlar bilen bilelikde iş alyp barmagyň ugurlaryny teklip etdi. Olar materiallaryň bilelikdäki synaglaryny geçirmekden, okuw-synag taslamalaryny işläp taýýarlamakdan we kärhanalaryň anyk meseleleri esasynda hünärmenleri taýýarlamagy guramakdan ybaratdyr. Okyjylary rektoryň maslahatdaky çykyşynyň dowamynda görkezilen prezentasiýa bilen tanyşmaga çagyrýarys.

Hemmesi

06-11-2026

Türkmen döwlet binagärlik-gurluşyk institutynyň wekilleri Täjigistan Respublikasynyň “Korhonai kimiýowi” açyk görnüşli paýdarlar jemgyýetiniň wekilleri bilen duşuşyk geçirdi

2026-njy ýylyň 3-nji noýabrynda Aşgabat şäherinde Türkmenistanyň Söwda-senagat edarasynyň binasynda geçirilýän “Türkmenistanyň gurluşyk, senagat we energetika pudaklarynyň ösüşi” (CIET 2026 – Construction, Industry and Energy of Turkmenistan) atly halkara maslahatyň we serginiň çäklerinde Türkmen döwlet binagärlik-gurluşyk institutynyň rektory we wekilleri Täjigistan Respublikasynyň “Korhonai kimiýowi” açyk görnüşli paýdarlar jemgyýetiniň wekilleri bilen duşuşyk geçirdi. Täjigistan Respublikasynyň “Korhonai kimiýowi” açyk görnüşli paýdarlar jemgyýetiniň baş direktorynyň orunbasary Ibragimow Abubakr we Täjigistan Respublikasynyň “Korhonai kimiýowi” açyk görnüşli paýdarlar jemgyýetiniň baş inženeri Babahanow Saidsultan Täjigistan Respublikasynyň “Korhonai kimiýowi” açyk görnüşli paýdarlar jemgyýetiniň himiýa, gurluşyk we tehnologiýa ugrunda alyp barýan işleri we öňdebaryjy tejribeleri barada gürrüň berdiler. Täjigistan Respublikasynyň “Korhonai kimiýowi” açyk görnüşli paýdarlar jemgyýeti – himiýa senagatynyň önümçilik kärhanasy hökmünde köp ýyllaryň dowamynda dag-magdan we gurluşyk pudaklary üçin zerur bolan senagat himiki we tehniki maddalary öndürmek, bu tehniki önümleri dünýä bazarlaryna ýerleşdirmek bilen meşgullanýan uly tejribeli kärhanadyr. Kärhanada kompozit we sintetiki himiki maddalardan başga-da, halk köpçüligi üçin zerur bolan polietilen plýonkalar, tikinçilik tehniki önümleri, gurluşyk haltalary, alýumin hem-de plastik gapylar we penjireler öndürilýär. Türkmen döwlet binagärlik-gurluşyk institutynyň wekilleri şu ýylyň 1-nji sentýabrynda “Bilimler we talyp ýaşlar güni” mynasybetli Arkadagly Gahryman Serdarymyzyň ak patasy bilen açylyp ulanylmaga berlen täze binalar toplumy, hususan-da, sebitde deňi-taýy bolmadyk bu innowasion bilim şäherçesinde energiýany we suwy tygşytlaýan, ekologiýa arassa we ylmy ugurlar boýunça innowasion tehnologiýalaryň ornaşdyrylandygyny tassyklaýan halkara derejesinde ykrar edilen köp sanly sertifikatlaryň alnandygy barada gürrüň berdi. Duşuşygyň çäklerinde taraplar halkara ylmy-bilim hyzmatdaşlygy täze derejelere çykarmagyň ýollaryny ara alyp maslahatlaşdylar. Duşuşygyň dowamynda gurluşyk, himiýa we ekologik tehnologiýalar ugry boýunça bilelikde halkara taslama işlerini alyp barmak, bilelikdäki häzirki zaman taslamalary durmuşa geçirmek we innowasion tehnologiýalaryny önümçilige ornaşdyrmak meselelerine aýratyn ähmiýet berildi. Duşuşygyň jeminde bu görnüşdäki halkara akademiki hyzmatdaşlygyň sanly platformalarynda hem yzygiderli guralmagynyň Türkmenistanyň we Täjigistan Respublikasynyň arasyndaky ylym-bilim hyzmatdaşlygyny we dostlukly gatnaşyklary çuňlaşdyrmaga uly goşant goşjakdygy bellenildi. Duşuşygyň ahyrynda Täjigistan Respublikasynyň “Korhonai kimiýowi” açyk görnüşli paýdarlar jemgyýetiniň wekilleri, Türkmen döwlet binagärlik-gurluşyk institutynyň rektory we wekilleri Türkmenistanyň at gazanan arhitektory hormatly Prezidentimiz Arkadagly Gahryman Serdarymyza we Türkmenistanyň at gazanan arhitektory Milli Liderimiz Gahryman Arkadagymyza bu döredilýän giň mümkinçilikleri üçin çäksiz minnetdarlyklaryny we alkyşlaryny aýtdylar. Olar Arkadagly Gahryman Serdarymyzyň we Gahryman Arkadagymyzyň janlarynyň sag, başlarynyň belent, ömürleriniň uzak bolmagyny, jемgyýetçilik hem-de döwlet ähmiýetli alyp barýan belent işleriniň hemişe üstünliklere beslenmegini arzuw etdiler. Amanmyrat Kakaýewiç Arazow, Türkmen döwlet binagärlik-gurluşyk institutynyň Ylym bölüminiň başlygy

Hemmesi

06-11-2026

Türkmen döwlet binagärlik-gurluşyk institutynda Birleşen Arap Emirlikleriniň “Masdar City” kompaniýasynyň wekilleri umumy okuw sapagyny geçirdi

2026-njy ýylyň 4-nji noýabrynda Birleşen Arap Emirlikleriniň “Masdar City” kompaniýasynyň Maliýe we strategiýa şertnamalary boýunça ýokary derejeli müdiri Doktor Hamad Al Kaabi, Birleşen Arap Emirlikleriniň “Masdar City” kompaniýasynyň Taslamalar toparynyň ýolbaşçysy Mubarak Al Damasi, Birleşen Arap Emirlikleriniň “Masdar City” kompaniýasynyň Dizaýn we baş meýilleşdiriş boýunça ýokary derejeli müdiri Gauriş Wagle, Birleşen Arap Emirlikleriniň “Masdar City” kompaniýasynyň Tehnologiýalar we sanly özgertmeler boýunça býurosynyň müdiriniň orunbasary Eýad Abdulla Türkmen döwlet binagärlik-gurluşyk institutynda Birleşen Arap Emirlikleriniň “Masdar City” kompaniýasynyň gurluşyk we binagärlik ugrunda alyp barýan innowasion işleri we öňdebaryjy tejribeleri barada umumy okuw sapagyny geçirmek üçin geldiler. Birleşen Arap Emirlikleriniň “Masdar City” kompaniýasynyň Taslamalar toparynyň ýolbaşçysy Mubarak Al Damasi tarapyndan umumy okuw sapagy Türkmen döwlet binagärlik-gurluşyk institutynyň Mejlisler zaly binasynyň 200 orunlyk Kiçi mejlisler zalynda geçirilip, bu umumy okuw sapagyna 200 sany talyp ýaşlar we professor-mugallymlar işjeň gatnaşdylar. Birleşen Arap Emirlikleriniň “Masdar City” kompaniýasynyň wekilleri tarapyndan geçirilen umumy okuw sapagynda Birleşen Arap Emirlikleriniň Abu Dabi şäherinde gurlan binalar, olaryň energiýa çeşmelerden netijeli peýdalanyşy, şähergurluşyk ugrunda gazanylan halkara üstünlikleri, energiýa we serişde tygşytlaýjy tehnologiýalary, döwrebap gurluşyk materiallary hem-de şähergurluşyk ulgamyndaky iň täze inženerçilik çözgütleri barada giňişleýin maglumatlar berildi. Umumy sapagyň çäklerinde taraplar halkara ylmy-intellektual hyzmatdaşlygy täze sepgitlere çykarmagyň ýollaryny ara alyp maslahatlaşdylar. Umumy sapagyň dowamynda gurluşyk we binagärlik ugry boýunça bilelikde halkara taslama işlerini alyp barmak, bilelikdäki innowasion taslamalary durmuşa geçirmek we “ýaşyl” tehnologiýalaryny önümçilige integrirlemek meselelerine aýratyn ähmiýet berildi. Umumy sapagy işjeň sorag-jogap tapgyry bilen tamamlandy. Myhmanlaryň Türkmen döwlet binagärlik-gurluşyk institutyna gelmegi mynasybetli institutyň şu ýylyň 1-nji sentýabrynda “Bilimler we talyp ýaşlar güni” mynasybetli Arkadagly Gahryman Serdarymyzyň ak patasy bilen açylyp ulanylmaga berlen täze binalar toplumy bilen tanyşdyryldy. Myhmanlar bu iň kämil we innowasion bilim şäherçesiniň binagärlik we gurluşyk aýratynlyklaryna, institutda döredilen şertlere we okuw binalarynyň enjamlaşdyrylşyna aýratyn ýokary baha berdiler. Çäräniň jeminde bu görnüşdäki halkara akademiki hyzmatdaşlygyň sanly platformalarynda hem yzygiderli guralmagynyň Türkmenistanyň we Birleşen Arap Emirlikleriniň arasyndaky ylym-bilim hyzmatdaşlygyny we dostlukly gatnaşyklary çuňlaşdyrmaga uly goşant goşjakdygy bellenildi. Çäräniň ahyrynda Birleşen Arap Emirlikleriniň “Masdar City” kompaniýasynyň wekilleri, Türkmen döwlet binagärlik-gurluşyk institutynyň agzybir professor-mugallymlar we talyp ýaşlary bilelikde Türkmenistanyň at gazanan arhitektory Hormatly Prezidentimiz Arkadagly Gahryman Serdarymyza we Türkmenistanyň at gazanan arhitektory Milli Liderimiz Gahryman Arkadagymyza bu döredip berýän şeýle ägirt uly ajaýyp mümkinçilikleri üçin tüýs ýürekden minnetdarlyklaryny we alkyşlaryny aýtdylar. Mähriban Prezidentimiziň we Gahryman Arkadagymyzyň janlary sag, ömürleri uzak bolsun, il-ýurt bähbitli, halkara ähmiýetli beýik işleri elmydama rowaçlyklara we täze ýeňişlere beslenmegini arzuw etdiler. Amanmyrat Arazow, Türkmen döwlet binagärlik-gurluşyk institutynyň Ylym bölüminiň başlygy

Hemmesi

06-11-2026

Aşgabat gurluşyk orta hünär okuw mekdebinde ýokary okuw mekdebiniň mugallymlarynyň gatnaşmagynda okuw seminary geçirildi

Türkmen döwlet binagärlik-gurluşyk institutynyň Inžener-mehanika fakultetiniň «Elektrotehnika» we «Metallary işläp bejermegiň tehnologiýasy» kafedralarynyň gurnamagynda Türkmenistanyň Gurluşyk we binagärlik ministrliginiň Aşgabat gurluşyk orta hünär okuw mekdebinde okuw seminary geçirildi. Seminarda ýurdumyzda elektrik energiýasynyň öndürilişi, onuň uzak aralyklara geçirilişi, ýitgileri azaltmak meseleleri hem-de bu ugurda döwrebap çemeleşmeler barada durup geçildi. Çykyş edenler elektrik energiýasyny tygşytlamagyň möhümdigini we ýokary kuwwatly elektrik enjamlary bilen işlenilende tehniki howpsuzlyk düzgünleriniň pugta berjaý edilmelidigini nygtadylar. Mundan başga-da, hemişelik toguň elektrik zynjyrlaryny hasaplamagyň, öwrenmegiň mysallary we bu ugurdaky meseleleri dogry çözmegiň ýollary barada giňişleýin gürrüň berildi. Şeýle hem, metalurgiýa dersiniň beýleki dersler bilen arabaglanyşygynyň okuw prosesiniň netijeliligini ýokarlandyrmakdaky ähmiýeti bellenildi. Magdanlardan metallary almak, olary arassalamak, dürli häsiýetlere eýe bolan metal erginlerini taýýarlamak we olary önümçilikde ulanmak baradaky düşünjeleri ösdürmekde bu ylmyň möhüm orun eýeleýändigi aýdyldy. Çäräniň ahyrynda internet ulgamy arkaly Türkmen döwlet binagärlik-gurluşyk institutynyň taryhy, soňky ýyllaryň dowamynda gazanylan üstünlikler we täzelikler bilen giňişleýin tanyşdyryldy.

Hemmesi

Bildirişler

20-10-2026

Türkmenistanyň ýokary okuw mekdepleriniň hormatly talyplary!

19-10-2026

“Algoritm we programma üpjünçiligi” Hakaton bäsleşigi

16-10-2026

Giňişligi öwrenip, geljegi döredýäris: Kartografiýa boýunça II internet olimpiadasy!

Duş

Siş

Çar

Pen

Ann

Şen

Ýek

TÜRKMEN DÖWLET BINAGÄRLIK-GURLUŞYK INSTITUTY

Taslamalar

Dalaşgärler üçin

Institutyň içki gurluşy

Aspirantura bölümi

Instituty wideo şekilli tanyşdyrylyşy

TÜRKMEN DÖWLET BINAGÄRLIK-GURLUŞYK INSTITUTY

Taslamalar

"Abadançlyk" binasy

Türkmenistanyň Prezidentiniň ýanyndaky Döwlet gulluk akademiýasynyň binalar toplumynyň şekil taslamasy.

Dünýäniň dürli künjegindäki hyzmatdaslarymyz

Dünýäniň birnäçe kompaniýalary bilen hyzmatdaşlyk

Täzelikler

ÝAŞLAR BARADA DÖWLET SYÝASATYNYŇ MÖHÜM WEZIPELERINE BAGYŞLANAN WAGYZ-NESIHAT DUŞUŞYGY GEÇIRILDI

Kuraş ýaryşynda ýeňiş: Pälwan Rüstemow Lebap welaýatynyň kubogynda 1-nji orunda!

Türkmen döwlet binagärlik-gurluşyk institutynda “Sanly tehnologiýalar – ähli ösüşleriň binýady!” atly okuw seminary geçirildi

Dünýä çempionatynyň bürünç medaly: Türkmen döwlet binagärlik-gurluşyk institutynyň talyby dünýäniň iň güýçli samboçylarynyň hatarynda!

Hormatly Prezidentimiziň Gazagystan döwletine bolan sapary dogrusynda syýasy gepleşik gurnaldy

Döwrebap tehnologiýalar bilen ýakyndan tanyşlyk: «Amaly geodeziýa» hünäriniň talyplary önümçilik tejribesinde

Türkmen döwlet binagärlik-gurluşyk institutynda “Geodeziýada GPS we GLONASS tehnologiýalary” atly ylmy-okuw maslahaty geçirildi.

«Agrosenagat toplumynyň durnukly ösüşi» halkara ylmy-amaly maslahaty

Sanly gurluşyk we «akylly» şäherler: ýerli materiallar we geljegiň inženerlerini taýýarlamak

Türkmen döwlet binagärlik-gurluşyk institutynyň wekilleri Täjigistan Respublikasynyň “Korhonai kimiýowi” açyk görnüşli paýdarlar jemgyýetiniň wekilleri bilen duşuşyk geçirdi

Türkmen döwlet binagärlik-gurluşyk institutynda Birleşen Arap Emirlikleriniň “Masdar City” kompaniýasynyň wekilleri umumy okuw sapagyny geçirdi

Aşgabat gurluşyk orta hünär okuw mekdebinde ýokary okuw mekdebiniň mugallymlarynyň gatnaşmagynda okuw seminary geçirildi

Bildirişler

Bu senede hiç hili bildiriş tapylmady.

TDBGI

Maglumatlar

Habarlaşmak üçin