TDBGI

  1. Baş sahypa
  2. Täzelikler

Giňişligi öwrenip, geljegi döredýäris: Kartografiýa boýunça II internet olimpiadasy!

Second slide
15-10-2026 71

Türkmenistanyň ýokary okuw mekdepleriniň hormatly talyplary!

Türkmen döwlet binagärlik-gurluşyk instituty sizi ýurdumyzyň talyplarynyň arasynda «Kartografiýa» dersi boýunça II internet olimpiadasyna gatnaşmaga hormat bilen çagyrýar. 

Bu bäsleşik zehinli ýaşlary ýüze çykarmak, hünär bilimlerini we başarnyklaryny berkitmek, şeýle hem talyplaryň giňişleýin pikirlenmegini we özbaşdak işlemek endiklerini ösdürmek maksady bilen geçirilýär. Olimpiada halkara bäsleşiklerde öz ýokary okuw mekdebine mynasyp wekilçilik edip biljek, kartografiýany iň oňat bilýänleri kesgitlemäge gönükdirilendir. 

Esasy guramaçylyk maglumatlary: 

  • Guraýjy: Türkmen döwlet binagärlik-gurluşyk instituty, «Geodeziýa» kafedrasy. 
  • Geçiriljek senesi we wagty: 2026-njy ýylyň 20-nji noýabry, sagat 15:00. 
  • Geçiriliş görnüşi: Zoom programmasyny ulanmak arkaly onlaýn tertipde şahsy bäsleşik. 
  • Ýumuş: 50 sany test soragy. 
  • Ýerine ýetirmek üçin wagt: 90 minut. 
  • Arza tabşyrmagyň iň soňky möhleti: 2026-njy ýylyň 10-njy noýabryna çenli. Arzalar ýokary okuw mekdebiniň topary tarapyndan berilýär (5 talypdan we 1 ýolbaşçydan köp bolmaly däl). 
  • Arzalary ugratmak üçin elektron poçta: tdbgikartografiya8@gmail.com. 
  • Habarlaşmak üçin telefon: +99361669421. 

Giňişleýin maglumatlar we ýumuşlar institutyň resmi web sahypasynyň ýörite bölüminde ýerleşdiriler: www.tdbgi.edu.tm. 

Öz güýjüni synamak isleyän ähli talyplary işjeň gatnaşmaga we taýýarlyk derejesini görkezmäge çagyrýarys! 

Şu salgy boýunça geçip, olimpiadanyň jikme-jik düzgünnamasy bilen tanyşyň.